Верим, надеемся, любим… День памяти святых мучениц Веры, Надежды, Любови и матери их Софии. Молитвословия святым мученицам

Мцц. Вера, Надежда, Любовь и мать их София (ок. 137)

День памяти – 30 сентября

 

Сен­тябрь бо­гат ка­лен­дар­ны­ми со­бы­ти­я­ми, а по­след­ний день – 30 сен­тяб­ря по но­во­му сти­лю – до­стой­ное его за­вер­ше­ние! Он из­ве­стен всем бла­го­да­ря па­мя­ти че­ты­рех рим­ля­нок, име­на ко­то­рых но­сят мил­ли­о­ны пред­ста­ви­тель­ниц луч­шей по­ло­ви­ны че­ло­ве­че­ства во всём ми­ре. Ис­то­рия этих хри­сти­ан­ских му­че­ниц – вдо­вы Со­фии и трех её до­че­рей: две­на­дца­ти­лет­ней Ве­ры, де­ся­ти­лет­ней На­деж­ды и де­вя­ти­лет­ней Лю­бо­ви – от­но­сит­ся ко вре­ме­ни им­пе­ра­то­ра Адри­а­на (117–138 гг.).

Пре­сле­до­ва­ние хри­сти­ан, счи­тав­ших­ся «вра­га­ми на­ро­да», или «дис­си­ден­та­ми» (это из­на­чаль­но ре­ли­ги­оз­ный тер­мин!), толь­ко лишь за от­каз воз­да­вать по­че­сти ми­фо­ло­ги­че­ским бо­гам, в ко­то­рых се­рьез­но ма­ло кто ве­рил, бы­ло де­лом ру­тин­ным, и су­деб­ные ак­ты в боль­шин­стве слу­ча­ев не со­хра­ни­лись. Цер­ков­ные пи­са­те­ли фик­си­ро­ва­ли до­шед­шие до них крат­кие све­де­ния, ча­сто об­рас­тав­шие фан­та­сти­че­ски­ми по­дроб­но­стя­ми, из ко­то­рых сла­га­лись позд­нее «Жи­тия свя­тых».

За­по­до­зрен­ные в при­над­леж­но­сти к хри­сти­ан­ству, рим­ляне долж­ны бы­ли до­ка­зать свою ло­яль­ность в при­сут­ствии су­деб­ных вла­стей. Для это­го тре­бо­ва­лось лишь бро­сить несколь­ко зё­рен ла­да­на на ал­тарь обо­жеств­ляв­ше­го­ся им­пе­ра­то­ра и от­речь­ся от Хри­ста, хо­тя бы чи­сто «внешне», на сло­вах. Ни­кто не по­ку­шал­ся на внут­рен­нюю ве­ру че­ло­ве­ка, и ин­диф­фе­рент­ные рим­ляне, счи­тав­шие этот акт про­стой граж­дан­ской фор­маль­но­стью (как обя­за­тель­ное при­сут­ствие у нас рань­ше на парт­со­бра­нии, где мож­но бы­ло дре­мать или чи­тать кни­гу), не мог­ли по­нять при­чин от­ка­за, за ко­то­рым сле­до­ва­ли уве­ще­ва­ния, пыт­ки и смерть.

Од­ни­ми из та­ких «нера­зум­ных упря­миц» и бы­ли на­ши свя­тые. Пре­да­ние рас­ска­зы­ва­ет об их бес­страш­ном ис­по­ве­да­нии Иису­са Хри­ста пе­ред са­мим им­пе­ра­то­ром и по­сле­ду­ю­щих страш­ных му­че­ни­ях, ко­то­рым бы­ли под­верг­ну­ты толь­ко де­воч­ки.

Святая София с дочерьми перед императором Адрианом

 

Их укла­ды­ва­ли на рас­ка­лён­ную же­лез­ную ре­шет­ку, по­ли­ва­ли ки­пя­щей смо­лой и би­ли пал­ка­ми, при­вя­зав к усе­ян­но­му ши­па­ми ко­ле­су.

Подвиг святой Веры

 

 

Подвиг святой Надежды

 

Подвиг святой Любови

 

Му­чи­те­ли зна­ли, что со­хра­няв­шая внеш­нее спо­кой­ствие и обод­ряв­шая сво­их до­че­рей мать ис­пы­ты­ва­ла ещё бо­лее невы­но­си­мые стра­да­ния. На­ко­нец му­че­ни­цы, плоть ко­то­рых бук­валь­но рас­па­да­лась, бы­ли обез­глав­ле­ны.

Па­ла­чи да­же от­пу­сти­ли Со­фию на сво­бо­ду, поз­во­лив ей взять для по­гре­бе­ния те­ла до­че­рей. Про­ве­дя в скор­би три дня у их мо­ги­лы, она скон­ча­лась.

Святые мученицы Вера, Надежда, Любовь и мать их святая София

 

Это про­изо­шло око­ло 137 го­да. Мо­щи свя­тых му­че­ниц со­хра­ни­лись, и в 777 го­ду па­па Рим­ский Адри­ан I пе­ре­дал их в Страс­бург (Эль­зас), где они по­ко­ят­ся в ка­мен­ной гроб­ни­це церк­ви аб­бат­ства Эшо.

 

Саркофаг из песчанника XIV века, в котором до Революции хранились честные мощи свв. Софии и ее дочерей. Саркофаг с одной из частиц мощей св. Софии украшен стершимися от времени рисунками сцен из жития святых мучениц. С 1938 года в нем содержится одна из двух частиц мощей св. Софии, принесенных из Рима в том же году.

 

Над саркофагом расположены скульптуры (слева-направо): св. мученика Христофора (250), свв. мучениц Веры, Надежды, Любови и Софии, епископа Ремигия, основателя аббатства.

 

Име­на свя­тых глу­бо­ко сим­во­лич­ны: Ве­ра, На­деж­да и Лю­бовь – это на­име­но­ва­ние трёх ос­нов­ных доб­ро­де­те­лей хри­сти­ан­ства, ко­то­рым по­кро­ви­тель­ству­ет Со­фия, что зна­чит «Муд­рость». Они воз­во­дят че­ло­ве­ка из пле­на при­род­ной необ­хо­ди­мо­сти в цар­ство нрав­ствен­ной и ин­тел­лек­ту­аль­ной сво­бо­ды и при­от­кры­ва­ют ему за­ве­су веч­но­сти. В этом – глав­ное от­ли­чие че­ло­ве­ка от «бра­тьев его мень­ших».

«Лю­бовь ни­ко­гда не пе­ре­ста­ёт, хо­тя и про­ро­че­ства пре­кра­тят­ся, и язы­ки умолк­нут, и зна­ние упразд­нит­ся. …Те­перь мы ви­дим как бы сквозь туск­лое стек­ло, га­да­тель­но, то­гда же ли­цом к ли­цу… Те­перь же пре­бы­ва­ют эти три: ве­ра, на­деж­да, лю­бовь; но большая из них – лю­бовь», – пи­шет апо­стол Па­вел в сво­ем зна­ме­ни­том «Гимне люб­ви» (1Кор.13 гл.). Поль­зу­ясь воз­мож­но­стью, хо­чу по­здра­вить с днем Ан­ге­ла всех, чьи зна­ме­на­тель­ные име­на за­став­ля­ют нас вспом­нить о его выс­шем пред­на­зна­че­нии и при­да­ют си­лы в борь­бе с жи­тей­ски­ми невзго­да­ми.

 

Лит.: Из­воль­ский С. Жизнь и стра­да­ния св. му­че­ниц Ве­ры, На­деж­ды, Люб­ви и ма­те­ри их Со­фии. Рас­сказ в сти­хах. М., 1867; Де­ни­сов Л. (сост.). Жизнь и стра­да­ния св. му­че­ниц Ве­ры, На­деж­ды, Люб­ви и ма­те­ри их Со­фии. При­ло­же­ние: хри­сти­ан­ские доб­ро­де­те­ли ве­ра, на­деж­да, лю­бовь по уче­нию св. от­цов Церк­ви. М., 1914; Дья­чен­ко Г., прот. Уро­ки и при­ме­ры хри­сти­ан­ской ве­ры, на­деж­ды и люб­ви (опыт ка­те­хи­зи­че­ской хре­сто­ма­тии). М., 1903.

Юрий Ру­бан,
канд ист. на­ук, канд. бо­го­сло­вия

 

 

Молитвы мученицам Вере, Надежде, Любови и матери их Софии

Тропарь мученицам Вере, Надежде, Любови и матери их Софии, глас 4
Тоpжеству́ет Це́pковь пеpвоpо́дных,/ и свесели́тся пpие́мля ма́теpь о ча́дех веселя́щуюся,/ я́же я́ко му́дpости тезоимени́тая/ тpо́йственным богосло́вским добpоде́телем pавночи́сленныя поpоди́./ Ты́я с му́дpыми де́вами зpит уневе́стившияся Жениху́ Бо́гу Сло́ву,/ с не́ю и мы духо́вне в па́мяти их свесели́мся, глаго́люще:/ Тpо́ицы побо́pницы,/ Ве́pо, Любве́ и Наде́ждо,// в ве́pе, любви́ и наде́жде утвеpжда́йте нас.

Перевод: Торжествует Церковь первенцев (Евр.12:23), и радуется, принимая матерь, радующуюся о детях своих. Одноименная с мудростью (София от греч. σοφία мудрость) она родила троих детей, по числу трех богословских добродетелей (вера, надежда и любовь – 1Кор.13:12). Их вместе с мудрыми девами (Мф.25:1-13) она видит обрученными Жениху Богу Слову, с ней и мы духовно радуемся о памяти их, говоря: «Троицы защитники, Вера, Любовь и Надежда, в вере, любви и надежде укрепляйте нас».

 

Кондак мученицам Вере, Надежде, Любови и матери их Софии, глас 1
Софи́и честны́я свяще́ннейшия ве́тви,/ Ве́ра и Наде́жда и Любо́вь, показа́в­шеся,/ му́дрость обуи́ша е́ллинскую благода́тию,/ и пострада́вше, и победоно́сицы яви́вшеся,// венце́м нетле́нным от всех Влады́ки Христа́ увязо́шася.

Перевод: Почитаемой Софии (от греч. σοφία мудрость) вы стали священнейшими потомками, Вера, Надежда и Любовь, вы обуздали эллинскую мудрость благодатью и, пострадав, стали носителями победы, венцом нетленным от Владыки всех Христа увенчавшись.

 

Величание мученицам Вере, Надежде, Любови и матери их Софии
Велича́ем вас, святы́я му́ченицы, Ве́ро, Наде́ждо, Любве́ и Софи́е, и чтим святы́я страда́ния ва́ша, я́же за Христа́ претерпе́ли е́сте.

 

Молитва мученицам Вере, Надежде, Любови и матери их Софии
О, святы́я и достохва́льныя му́ченицы Ве́ро, Наде́ждо и Любы́, и до́блестных дще́рей му́драя ма́ти Софи́е, к вам ны́не притеце́м со усе́рдною моли́твою; что бо па́че возмо́жет предста́тельствовати за ны пред Го́сподем, а́ще не ве́ра, наде́жда и любы́, три сия́ краеуго́льныя доброде́тели, в ни́хже о́браз нарече́нныя, са́мою ве́щию ты́я яви́сте! Умоли́те Го́спода, да в ско́рбех и напа́стех неизрече́нною благода́тию Свое́ю покры́ет ны, спасе́т и сохрани́т, я́ко благ есть и Человеколю́бец. Того́ сла́ву, я́ко со́лнце незаходи́мое, ны́не зря́ще светоле́пну, споспешеству́йте нам во смире́нных моле́ниих на́ших, да прости́т Госпо́дь Бог грехи́ и беззако́ния на́ша, и да поми́лует нас гре́шных и недосто́йных щедро́т Его́. Моли́те у́бо о нас, святы́я му́ченицы, Го́спода на́шего Иису́са Христа́, Ему́же сла́ву возсыла́ем со Безнача́льным Его́ Отце́м и Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

 

Молитва вторая мученицам Вере, Надежде, Любови и матери их Софии
Вас, святы́я му́ченицы, Ве́ро, Наде́ждо и Любы́, сла́вим, велича́ем и ублажа́ем, ку́пно с му́дрою ма́терию Софи́ею, е́йже покланя́емся, я́ко о́браз богому́драго попече́ния явля́ющей. Умоли́, свята́я Ве́ро, Творца́ ви́димых и неви́димых, да ве́ру кре́пку, небла́зненну и неруши́му пода́ст нам. Хода́тайствуй, свята́я Наде́ждо, пред Го́сподом Иису́сом за нас гре́шных, да упова́ние на блага́я Своя́ не отжене́т от нас, и от вся́кия ско́рби и ну́жды да изба́вит ны. Испове́ждь, свята́я Любы́, Ду́ху и́стины, Уте́шителю, напа́сти и печа́ли на́ша, да Той свы́ше сла́дость Небе́сную низпосле́т душа́м на́шим. Помози́те у́бо в беда́х на́ших, святы́я му́ченицы, и, ку́пно с му́дрою ма́терию ва́шею Софи́ею, моли́те Го́спода Бо́га, да сохрани́т под покро́вом Свои́м Це́рковь Свою́ Святу́ю. Та́кожде и о всех нас ва́шего те́плаго предста́тельства пред Бо́гом усе́рдно мо́лим, да ку́пно с ва́ми и со все́ми святы́ми превознесе́м и препросла́вим пресвято́е и вели́кое и́мя Отца́ и Сы́на и Свята́го Ду́ха Бо́га, предве́чнаго Влады́ки и благи́х Соде́теля, ны́не и при́сно и во ве́ки веко́в. Ами́нь.

 

 

АКАФИСТ МУЧЕНИЦАМ ВЕРЕ, НАДЕЖДЕ, ЛЮБОВИ И МАТЕРИ ИХ СОФИИ

Конда́к 1

Избра́нным раба́м Го́с­по­да Вседержи́теля, Ве́­ре, На­де́ж­де и Любви́, и му́дрей ма́­те­ри Софи́и, по­хва́ль­ная вам пе́­ния умиле́нно возно́сим. Вы же, я́ко дерз­но­ве́­ние ко Хри­сту́ Бо́­гу иму́ще, мо­ли́­ти­ся за ны, во е́же из­ба́­ви­ти­ся нам гре­хо́в и скор­бе́й, да бла­го­да́р­ствен­но во­пи­е́м вам:

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

И́кос 1

А́нгели на Не­бе­си́ ра́довахуся, доброде́тельное жи­тие́ ва́ше зря́ще, е́же провожда́сте в чте́нии Писа́ний Бо­же́ст­вен­ных, в труде́х, посте́, мо­ли́т­ве и ми́лостыни, ма́терию ва́шею непреста́нно су́­щи поуча́еми, да явите́ся о́брази живи́и трие́х богосло́вских доб­ро­де́­те­лей, и́хже имена́ми наречены́ бы́сте. Мы же, та­ко­ве́й му́дрости ма́­те­ре ва́шея и соверше́нному благоразу́мию ва́шему ди­вя́­ще­ся, бла­го­го­ве́й­но рцем вам:

Ра́дуйтеся, единомы́сленныя сестры́, трие́м доброде́телем тезоимени́тыя; ра́дуйтеся, в повинове́нии богому́дрей ма́­те­ри ва́шей на сте́пени соверше́нствования вше́дшия.

Ра́дуйтеся, а́ки три ра́йс­кия ве́т­ви, в злове́рнем Ри́ме возра́сшия; ра́­дуй­ся, Софи́е, дще́рем тво­и́м име­на́ доб­ро­де́­те­лей наре́кшая, я́же ве́щию исполня́ти научи́ла еси́.

Ра́­дуй­ся, Ве́ро, ве́­рою неви́димое, я́ко ви́димое, зре́­ти нам помога́ющая; ра́­дуй­ся, в нетле́ние облече́нная.

Ра́­дуй­ся, На­де́ж­до, на­де́ж­дою стра­да́­ния на́­ша во юдо́ли ско́р­би ослабля́ющая и в го́рняя десни́цею указу́ющая; ра́­дуй­ся, Ца́рст­вие Не­бе́с­ное унасле́довавшая.

Ра́­дуй­ся, Лю­бы́, лю­бо́­вию Бо­же́­ствен­ною бла­же́н­ство безсме́ртныя жи́з­ни нам от­кры­ва́ю­щая; ра́­дуй­ся, бла­го­да́­тию Ду́­ха Свя­та́­го осия́нная.

Ра́­дуй­ся, Софи́е, си́есть прему́дрость, прему́дре дще́ри твоя́ воспита́вшая; ра́­дуй­ся, в доброде́телех ве́­ры, на­де́ж­ды и люб­ве́ нас утвержда́ющая.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 2

Ви́­дя­щи му́д­рая Софи́я слуги́, прише́дша зва́ти ю со дще́рьми ко ца­рю́ Адриа́ну, и позна́вши вину́ призва́ния сво­его́, ста со ча́ды свои́ми на мо­ли́т­ву, по́­мо­щи Бо́­га прося́щи. По мо­ли́т­ве же, е́мшеся за ру́­це, я́ко­же ве­не́ц уплете́нный, идя́ху вку́­пе, пою́­ще Хри­сту́ Бо́­гу: Алли­лу́иа.

И́кос 2

Ра́­зум несумне́нный име́ли есте́, свя­ты́я, ег­да́ бо в пала́ты ца́рския введены́ бы́сте, царе́ви Адриа́ну предста́сте с ли­це́м све́т­лым, очесы́ весе́лыми и се́рд­цем му́жественным. Царь же, зря честна́я ли­ца́ ва́ша неустраше́нна и му́дрость Софи́и уве́­дев, отложи́ на и́но вре́­мя суд свой и отсла́ вы к не́коей благоро́дней жене́, у нея́же пребы́сте три дни, ма́­те­ри ва́шей прему́дрей богодухнове́нными сло­ве­сы́ день и нощь вас поуча́ющей. Те́м­же убла­жа́­юще вас, взы­ва́­ем си́­це:

Ра́дуйтеся, три непоро́чныя а́гницы Хри­сто́­вы, ве­не́ц доб­ро­де́­те­лей в се­бе́ совокупи́вшия; ра́дуйтеся, три доброде́тельныя сестры́, тве́р­дую ве́­ру, несумне́нную на­де́ж­ду и нелицеме́рную лю­бо́вь ко Го́с­по­ду Бо́­гу яви́вшия.

Ра́дуйтеся, не пощади́вшия красоты́ и мла́­до­сти ва́шея, Красне́йшаго ра́­ди добро́тою па́­че сыно́в че­ло­ве́­чес­ких; ра́­дуй­ся, Софи́е, ча́­да твоя́ возлю́бленная на по́двиг му́ченический за Хри­ста́ наставля́вшая.

Ра́­дуй­ся, Ве́ро, муче́нием за Хри­ста́ ве́­ру твою́ испове́давшая; ра́­дуй­ся, сестры́ твоя́ кре́пкою ве́­рою воздвиза́вшая.

Ра́­дуй­ся, На­де́ж­до, тве́р­дое на­де́я­ние на Хри­ста́ возлага́вшая; ра́­дуй­ся, сестры́ твоя́ неосла́бною на­де́ж­дою укрепля́вшая.

Ра́­дуй­ся, Лю­бы́, му́­ка­ми за Хри­ста́ лю­бо́вь твою́ де́йственную показа́вшая; ра́­дуй­ся, сестры́ твоя́ огне́м люб­ве́ огражда́вшая.

Ра́­дуй­ся, Софи́е, сла́дкая ча́­да твоя́ увещава́вшая презре́ти сла́­ву и бо­га́т­ство и всю сла́­дость ми́­ра се­го́ тле́н­на­го; ра́­дуй­ся, до́б­рыя дще́ри твоя́ до кро́­ве ста́ти за Го́с­по­да и умре́ти за Не­го́ усе́рд­но учи́вшая.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 3

Си́­лою Бо­же́­ствен­ною осенены́ бя́ху му́ченицы, я́же доброде́тели име́н сво­и́х яви́ша де́­лом в по́двизех му́ченических, вос­пе­ва́ю­ще Бо́­гу: Алли­лу́иа.

И́кос 3

Иму́ще в се­бе́ свя­ты́я му́ченицы столп ве́­ры, криле́ на­де́ж­ды и огнь люб­ве́, в сла́­дость послу́шающия от сло­ве́с ма́­те­ре своея́, еди́на другу́ю в дол­го­тер­пе́­нии утвержда́ху и ра́­дост­но идя́ху, жела́юще честна́го му́ченичества, е́же за Хри­ста́. Тому́ покланя́ющеся, я́ко Бо́­гу на́­ше­му, сицевы́ми вас воззва́ньми по­чи­та́­ем:

Ра́дуйтеся, ни ма́ло не поскорбе́вшия о лише́нии вре́меннаго се­го́ жи­во­та́ ве́ч­ныя ра́­ди жи́з­ни; ра́дуйтеся, че́сти ра́­ди Хри­сто́­вы плоть на му́­ки преда́вшия.

Ра́дуйтеся, три многоце́нныя сосу́ды ве́­ры, на­де́ж­ды и люб­ве́ Бо́­гу в дар прине́сшия; ра́­дуй­ся, Софи́е, я́ко, люб­ве́ ра́­ди презе́льныя ко дще́рям тво­и́м, всем се́рд­цем возжеле́ла еси́, да Ца́рст­вие Бо́­жие насле́дуют.

Ра́­дуй­ся, Ве́ро, ду́­ши на́­ша ве́­рою оза­ря́ю­щая; ра́­дуй­ся, к ти́­хо­му при­ста́­ни­щу нас вознося́щая.

Ра́­дуй­ся, На­де́ж­до, серд­ца́ на́­ша сла́достию на­де́ж­ды ожив­ля́ю­щая; ра́­дуй­ся, из пучи́ны отча́яния нас извлека́ющая.

Ра́­дуй­ся, Лю­бы́, стра­да́­ния и ско́р­би на́­ша в ра́­дость прелага́ющая; ра́­дуй­ся, окамене́нная серд­ца́ на́­ша во умиле́ние преводя́щая.

Ра́­дуй­ся, Софи́е, му́дростию на благо́е нас нас­тав­ля́ю­щая; ра́­дуй­ся, потемне́нное о́ко душ на́­ших про­све­ща́ю­щая.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 4

Бу́ря я́рости мучи́телевы нападе́ на тя, свя­та́я Ве́ро, но не поколеба́ тя. Кто бо возмо́жет ве́­ру неодоли́мую под­ви́г­ну­ти, адама́нта крепча́йшую, я́же ве́р­ных научи́ла есть пе́­ти с то­бо́ю Бо́­гу: Алли­лу́иа.

И́кос 4

Слы́шащи му́д­рая ма́­ти дще́ри своя́ пред царе́м небоя́зненно Хри­ста́ испове́дающия и глаго́лющия, я́ко того́ еди́­на­го жела́ют, е́же бы страда́ти и терпе́ти го́ркия му́­ки сла́дкаго ра́­ди Иису́­са Хри­ста́, ра́довашеся вельми́ и моля́ше Бо́­га, да укрепи́т я в предлежа́щих му́ках. Сие́ у́бо из­во­ле́­ние по­хва­ля́ю­ще, пе́рвейшей дще́ри му́дрыя ма́­те­ре та́­ко воспое́м:

Ра́­дуй­ся, Ве́ро, немилосе́рдая бие́ния Сладча́йшаго ра́­ди Иису́­са сла́дце прие́мшая; ра́­дуй­ся, уре́занная сосца́ твоя́, а́ки два кри́на чис­то­ты́, в же́ртву Го́с­по­ду прине́сшая.

Ра́­дуй­ся, я́ко от я́з­вы твоея́ вме́с­то кро́­ве мле­ко́ ис­те­че́; ра́­дуй­ся, я́ко на раскале́нное желе́зо положе́на была́ еси́.

Ра́­дуй­ся, я́ко в коно́б кипя́щ вве́ржена су́­щи, ни ма́ло не опали́лася еси́, ни­же́ вреди́лася еси́; ра́­дуй­ся, пла́мень страс­те́й на́­ших небе́сною прохла́дою утиша́ющая.

Ра́­дуй­ся, огнь му­че́­ний на́­ших в бо­ле́з­нех угаша́ющая; ра́­дуй­ся, зна́мением ве́­ры посреде́ на­па́с­тей нас зна́менающая.

Ра́­дуй­ся, щито́м ве́­ры во бра́­ни со враго́м нас покрыва́ющая; ра́­дуй­ся, чест­ну́ю гла­ву́ твою́ за Гла­ву́ Це́рк­ве, Хри­ста́ Бо́­га, под мечь ра́­дост­но прекло́ншая.

Ра́­дуй­ся, я́ко обагре́нием кро́­ве твоея́, а́ки червлени́цею оде́яна, яви́­ла­ся еси́ оче­се́м Безсме́ртнаго Жениха́ тво­его́; ра́­дуй­ся, к жела́нному кра́ю прише́дшая и люби́маго Спа́­са и Го́с­по­да узре́вшая.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 5

Богозда́нным звезда́м уподо́билися есте́, Ве́ро, На­де́ж­до и Лю­бы́, всем бо се́рд­цем прилепи́вшияся ко еди́­но­му ве́ч­но­му Животу́ и Красоте́ неизрече́нней, Иису́­су Хри­сту́, ско́ро ше́ствовасте, во е́же умре́ти за Не­го́ и наслади́тися Бо­же́ст­вен­на­го Его́ виде́ния, пою́­ще Ему́: Алли­лу́иа.

И́кос 5

Ви́­дев­ше доб­ро­по­бе́д­ныя сестры́ свя­ту́ю Ве́­ру ра́­дост­но за Хри­ста́ пострада́вшу, и са́ми хотя́ху ду́­ши своя́ за Не­го́ по­ло­жи́­ти: царь же На­де́ж­ду свя­ту́ю нача́т испы́товати, и ви́­дев ю с сестро́ю единомы́сленну су́щу, на му́­ки вдаде́ ю, оба́­че ни­что́же успе́. Мы же, На­де́ж­ду свя­ту́ю о сицево́м ея́ мудрова́нии убла­жа́­юще, вос­по­и́м и про­сла́­вим ю́:

Ра́­дуй­ся, На­де́ж­до, жесто́ко бие́нная, оба́­че пресве́тлую на­де́ж­ду на Го́с­по­да не потеря́вшая; ра́­дуй­ся, му́­ки твоя́ безро́потно в молча́нии терпе́вшая.

Ра́­дуй­ся, и нам кре́п­кое терпе́ние по­даю́­щая; ра́­дуй­ся, я́ко в разжже́нней пещи́ неопаля́ема бы́в­ши, хва­лу́ Бо́­гу возсыла́ла еси́.

Ра́­дуй­ся, я́ко и нас во страда́ниих хвали́ти Бо́­га науча́еши; ра́­дуй­ся, я́ко ногтьми́ желе́зными стро́гана была́ еси́.

Ра́­дуй­ся, нас, су́­щих в ско́р­бех, лу­ча́­ми на­де́ж­ды осия­ва́ю­щая; ра́­дуй­ся, я́ко чу́дное не́кое бла­го­уха́­ние от язв тво­и́х исхожда́ше.

Ра́­дуй­ся, непоколеби́мое упо­ва́­ние на Го́с­по­да Иису́­са неизме́нно сохра́ншая; ра́­дуй­ся, безнаде́жность и безси́лие в сердца́х на́­ших истребля́ющая.

Ра́­дуй­ся, ме́ч­ное посече́ние за Хри­ста́ ра́­дост­но прии́мшая; ра́­дуй­ся, я́сная денни́це, нам, печа́льми земны́ми угнете́нным, мир ве́чный раскрыва́ющая.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 6

Пропове́дником и апо́с­то­лом богоно́сным подо́бны бы́сте, богому́дрыя сестры́: доброде́тельми бо ва́шими пропове́дасте всем ве́р­ным ве́­ру, на­де́ж­ду и лю­бо́вь ко Го́с­по­ду, Вла­ды́­це всех, Тому́ пою́­ще: Алли­лу́иа.

И́кос 6

Возсия́ла еси́, а́ки со́лн­це, Лю­бы́ свя­та́я, кто бо си́­це за возлю́бленнаго Го́с­по­да сво­его́ можа́ше ста́ти, я́ко­же лю­бы́, по­не́­же пи́сано есть: «Крепка́ я́ко смерть лю­бы́, вода́ мно́га не мо́­жет угаси́ти люб­ве́, и ре́ки не потопя́т ея́». Мо́­лим ти ся ны́­не, Лю­бы́ свя­та́я, серафи́мским пла́менем люб­ве́ ко Го́с­по­ду горя́щая, обнови́ окамене́нная и изсо́хшая серд­ца́ на́­ша, возжги́ в нас, оскуде́вших лю­бо́­вию, свет люб­ве́, да возлю́бльше Го́с­по­да и вся бли́жния на́­ша, те­бе́ я́ко моли́твенницу на́­шу, восхва́лим си́­це:

Ра́­дуй­ся, Лю­бы́, я́ко люб­ве́ твоея́ ко Хри­сту́ воды́ мно́ги пре́лестей мир­ски́х не угаси́ша; ра́­дуй­ся, я́ко вся ласка́ния и да́ры царе́вы отве́ргши, ду́­шу твою́ за Го́с­по­да положи́ла еси́.

Ра́­дуй­ся, я́ко люб­ве́ твоея́ ре́ки бед и страда́ний не потопи́ша; ра́­дуй­ся, за Го́с­по­да Иису́­са на колеси́ протя́гнутая, же́злием бие́нная, све́рдлами прободе́нная и в пещь о́гненную вве́рженная.

Ра́­дуй­ся, я́ко в лю́­тых му́ках тво­и́х си́­лою Бо́­жиею укрепля́ема была́ еси́; ра́­дуй­ся, кро́­вию твое́ю, люб­ве́ ра́­ди к Безсме́ртному Жениху́ тво­ему́ Хри­сту́ излия́нною, в хла́дных сердца́х на́­ших лю­бо́вь возбужда́ющая.

Ра́­дуй­ся, я́ве показа́вшая нам, я́ко люб­ве́ ра́­ди вся му­че́­ния сла́дце претерпева́ются; ра́­дуй­ся, яви́вшая нам, я́ко лю­бы́ Бо­же́ст­вен­ная приво́дит к животу́ ве́ч­но­му.

Ра́­дуй­ся, са́мою ве́щию уве́рившая, я́ко лю­бы́ Бо­же́ст­вен­ная открове́ние есть без­сме́р­тия; ра́­дуй­ся, я́ко ника́яже мучи́тельства возмого́ша разлучи́ти Лю­бо́вь от люб­ве́ Хри­сто́­вы.

Ра́­дуй­ся, в му́ках апо́стольски веща́вшая, я́ко не разлучи́т тя от люб­ве́ Бо́­жия ни скорбь, ни теснота́, ни гоне́ние, ни глад, ни нагота́, ни беда́, ни меч; ра́­дуй­ся, люб­ве́ ра́­ди Хри­сто́­вы ме­че́м во гла­ву́ усече́нная.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 7

Хотя́ще скоре́е от те́­ла разлучи́тися и со Хри­сто́м бы́­ти, свя­ты́я де́­вы, ег­да́ на ме́ч­ное посече́ние идя́ху, еди́на другу́ю и ма́­терь свою́ Софи́ю объе́млюще лобыза́хуся, дру́жескому нас любле́нию поуча́юще, да вси ку́п­но по­е́м Бо́­гу: Алли­лу́иа.

И́кос 7

Но́вое чу́­до по­ка­за́ Гос­по́дь, ег­да́ по́­мощь Свою́ посла́ страда́вшим за ис­по­ве́­да­ние и́ме­не Его́ толи́ко ю́ным де́­вам: ве́­рою бо, на­де́ж­дою и лю­бо́­вию укрепля́емы и возноси́мы бы́вше, до́блественне по́д­ви­ги своя́ сконча́ша. Мы же в единомы́слии и единоду́шии до кон­ца́ жи­во­та́ пребы́вших мо́­лим вас, да и нам низпо́слете единомы́слие в соверше́нии до́б­рых дел, умиле́нно велича́ющим вас:

Ра́дуйтеся, Ве́ро, На­де́ж­до и Лю­бы́, еди́нем пу­те́м му­че́­ний до врат не­бе́с­ных ше́дшия; ра́дуйтеся, в пре­све́т­лый черто́г прелюбе́знаго Жениха́ ва́шего во гла́се ра́дования вше́дшия.

Ра́дуйтеся, я́ко Иису́с Хрис­то́с про­све­ти́, я́ко­же зве́зды на не­бе­си́, ра́­ны на те­ле­се́х ва́ших; ра́­дуй­ся, Софи́е, до́блественне на му́­ки чад тво­и́х взира́вшая.

Ра́дуйтеся, я́ко небе́сною красото́ю, ея́­же о́ко не ви́де, укра­си́ Гос­по́дь доб­ро́­ту ва́шу, му́­ка­ми отъя́тую; ра́дуйтеся, вен­цы́ воздая́ния прие́мшия.

Ра́дуйтеся, а́ки три звезды́, Со́лнцем пра́в­ды озаре́нныя; ра́­дуй­ся, Софи́е, в му́жественнем испове́дании дще́рьми тво­и́ми и́ме­не Хри­сто́­ва уте­ше́­ние ве́­лие об­ре́т­шая.

Ра́дуйтеся, мглу сомне́ний на́­ших разсеява́ющия; ра́дуйтеся, нас удруче́нных страда́ньми душе́вными и теле́сными, подкрепля́ющия.

Ра́дуйтеся, красото́ю люб­ве́ серд­ца́ на́­ша украша́ющия; ра́­дуй­ся, Софи́е, кре́­пос­те и уте­ше́­ние изнемога́ющих в бе­да́х и ну́ж­дах.

Ра́дуйтеся, Ве́ро, Наде́ждо и Лю­бы́, ку́п­но с Софи́ею, ма́терию ва́шею прему́дрою.

Конда́к 8

Стра́н­ное и непоня́тное нам не­мощ­ны́м, в мир­ски́х сласте́х погря́знувшым, зрим де́ло, я́ко Софи́я свя­та́я, возлю́бленных чад сво­и́х ви́­дя­щи лю́тыя и го́рькия му́­ки и сме́р­ти, ни ма́ло не поскорбе́, но возра́довася зело́ ду́­хом, пою́щи Бо́­гу: Алли­лу́иа.

И́кос 8

Вся бе в вы́ш­них му́д­рая Софи́я, ег­да́ дще́ри своя́ сла́дкими сло­ве­сы́ и му́дрыми увеща́ньми на му­че́­ния подвиза́ше. А́ще же от ес­тест­ва́ к слеза́м преклоня́шеся а́бие, от люб­ве́ Хри­сто́­вы прелага́шеся на ра́­дость, печа́ль бо серде́чную и бо­ле́знь о ча́дех ма́­тер­нюю по­бе­ди́ в ней лю­бы́ Бо́­жия. Ве́­лиею у́бо лю­бо́­вию дще́ри своя́ лю́бящи, па́­че всего́ тем Ца́рст­вия Не­бе́с­на­го жела́ше. Се­го́ ра́­ди, чудя́­щеся му́дрости и ве­ли́­цей любви́ тво­е́й ко дще́рем и сла́­вя­ще тя, взы­ва́­ем:

Ра́­дуй­ся, Софи́е, я́ко возвесели́ся душа́ твоя́ о блаже́нней кончи́не дще́рей тво­и́х, свято́е и́мя Го́с­по­да дерз­но­ве́н­но испове́давших; ра́­дуй­ся, в му́ченичестем венча́нии чад тво­и́х честь и сла́­ву прия́вшая.

Ра́­дуй­ся, уча́стия му́ченическаго и спребыва́ния со дще́рьми в не­бе́с­ней сла́­ве Хри­ста́ Бо́­га сподо́бльшаяся; ра́­дуй­ся, честна́я телеса́ дще́рей тво­и́х с ра́достными сле­за́­ми погре́бшая.

Ра́­дуй­ся, три дни гро́бу их приседе́вшая и сном сме́р­ти о Го́с­по­де почи́вшая; ра́­дуй­ся, а́ще и не пло́­тию, оба́­че се́рд­цем за Хри­ста́ страда́вшая.

Ра́­дуй­ся, я́ко три доброде́тельныя дще́ри, си́­ми ве́­ру, на­де́ж­ду, лю­бо́вь к Бо́­гу яви́вши, в дар Пресвяте́й Тро́­ице принесла́ еси́; ра́­дуй­ся, я́ко чадоро́дия ра́­ди спасла́ся еси́.

Ра́­дуй­ся, ди́в­ная ма́­ти, благи́я па́мяти досто́йная; ра́­дуй­ся, дще́ри твоя́, да кровь свою́ за Хри­ста́ пролию́т, моли́вшая.

Ра́­дуй­ся, умудря́ющая ны, да блюде́м непрело́жно доброде́тели ве́­ры, на­де́ж­ды и люб­ве́; ра́­дуй­ся, Животворя́щей Тро́­ице за ны моля́щаяся.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 9

Вси А́нгели дивля́хуся о страда́ниих ва́ших, свя­ты́я му́ченицы, и побе́ду ва́шу над диа́волом торжеству́юще, ду́­ши же ва́ша к Не­бе­си́ провожда́юще, воспева́ху Хри­сту́ Бо́­гу: Алли­лу́иа.

И́кос 9

Вити́и велере́чивии вся стра­да́­ния ва́ша за Хри­ста́ не воз­мо́­гут изрещи́, ди­вя́­ще­ся же толи́ким подвиго́м, во млады́х ле́тех подъя́тым, немо́тствуют. Мы же о чест­не́й кончи́не ва́шей Бо́­га про­слав­ля́ю­ще, ве­ли­ча́­ем вас си́­це:

Ра́дуйтеся, Ве́ро, На­де́ж­до и Лю­бы́, пою́щия хва­лу́ Бо́­гу, на не́­бо не­бе­се́ возше́дшему; ра́дуйтеся, щи́­те ве́­ры, бро­не́ на­де́ж­ды и све­ти́ль­ни­че люб­ве́.

Ра́дуйтеся, зре́нием пресве́тлаго ли­ца́ Бо́­жия наслажда́ющияся; ра́­дуй­ся, Софи́е, благочести́выя ма́­те­ри на му́дрое воспита́ние чад их нас­тав­ля́ю­щая.

Ра́дуйтеся, поуча́ющия ны, да взы́щем Го́с­по­да, и жи́ва бу́дет душа́ на́­ша; ра́дуйтеся, с ве́­рою, на­де́ж­дою и лю­бо́­вию при­бе­га́ю­щих к вам те́п­лыя моли́твенницы.

Ра́дуйтеся, вразумля́ющия ны, я́ко вся сла́­дость и пре́­лесть ми́­ра се­го́ я́ко дым изчеза́ет, я́ко прах от ве́тра размета́ется и в персть обраща́ется; ра́­дуй­ся, Софи́е, всем се́рд­цем Го́с­по­да Бо́­га возлю́бльшая.

Ра́дуйтеся, а́ки трие́ све́тлии ключи́, ко еди́­но­му Исто́чнику жи́з­ни прите́кшии; ра́дуйтеся, а́ки трие́ благово́ннии цве́ти, на еди́ней благопло́дней ве́т­ви прозя́бшии.

Ра́дуйтеся, а́ки три зерца́ла, безпреде́льную красоту́ Бо́­жию в се­бе́ отража́ющая; ра́­дуй­ся, Софи́е, а́ки ма́слина, три ве́т­ви, отягче́нныя изоби́льными плоды́ да­ро́в Бо́­жи­их, произра́стшая.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 10

Спас­ти́ хотя́ще ду́­ши своя́ свя­ты́я му́ченицы, люб­ве́ ра́­ди Хри­сто́­вы ласка́ния ца­ре́­ва и бога́тства ми́­ра се­го́ тле́н­на­го презре́ша и ра́­дост­но кон­чи́­ну му́­че­ни­чес­кую за Хри­ста́ прия́ша, пою́­ще Ему́: Алли­лу́иа.

И́кос 10

Стена́ми ве́­ры, на­де́ж­ды и люб­ве́ явля́ются свя­ты́я му́ченицы всем, при­бе­га́ю­щим к ним с те́плою и усе́рдною мо­ли́т­вою и си́­це в пе­ча́­лех и на­па́с­тех к ним взыва́ющим:

Ра́дуйтеся, язв гре­хо́в­ных до́б­рыя цели́тельницы; ра́дуйтеся, во тьме пе­ча́­ли на́шея све́­том упова́ния ны озаря́ющия.

Ра́дуйтеся, посреде́ на­па́с­тей и скор­бе́й ди́вный по­ко́й нам посыла́ющия; ра́­дуй­ся, Софи́е, о нас, в злострада́ниих пове́рженных, му́дрое попече́ние яв­ля́ю­щая.

Ра́­дуй­ся, Ве́ро, крест спа­се́­ния пред на́­ми воздвиза́ющая; ра́­дуй­ся, не́­мо­щи на́­ша по моли́твам к те­бе́ изцеля́ющая.

Ра́­дуй­ся, На­де́ж­до, я́корь из­бав­ле́­ния нам по­даю́­щая; ра́­дуй­ся, уны́­ние сер­де́ц на́­ших бла́гостно отъе́млющая.

Ра́­дуй­ся, Лю­бы́, тво­и́м ко Го́с­по­ду хо­да́­тай­ством в злей на­па́с­ти от неча́янныя сме́р­ти ны огражда́ющая; ра́­дуй­ся, изнемога́ющия си́­лы на́­ша на бо́дрость возставля́ющая.

Ра́­дуй­ся, Софи́е, приле́жная о нас к Бо́­гу моли́твеннице; ра́­дуй­ся, в до́брех де́­лех на́­ших му́д­рая нас­та́в­ни­це.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 11

Пе́­ние сие́ похва́льное, а́ще бы и тмочи́сленное приноша́хом вам, свя­ты́я му́ченицы, не бы до­вле́­ло ко прославле́нию доб­ро­де́­те­лей и по́двигов ва́ших. Оба́­че хва­лу́ Бо́­гу возсыла́юще за вся, я́же во свя­ты́х Сво­и́х нам явля́ет, Тому́ по­е́м: Алли­лу́иа.

И́кос 11

Све́­том не­бе́с­ным пред Го́с­по­дем го­ря́­щим свеща́м подо́бны Ве́­ра, Наде́жда и Лю­бы́, ку́п­но с ма́терию их Софи́ею, к ни́мже припа́даем, моля́ще, да просветя́т ны, омраче́нныя печа́льми и из глу­би­ны́ сер­де́ц зову́щия:

Ра́дуйтеся, ри́зы ва́ша в кро́ви А́гнчей на зем­ли́ убели́вшия; ра́дуйтеся, жи­во­та́ ве́ч­на­го нам хода́таицы.

Ра́дуйтеся, душ, и́щу­щих поко́я в милосе́рдии Бо́жии, утвер­жде́­ние и хране́ние; ра́­дуй­ся, Софи́е, от суеты́ мирски́я ны огражда́ющая.

Ра́­дуй­ся, Ве́ро, доброце́нная кади́льнице, фимиа́м хвалы́ Бо́­гу вознося́щая; ра́­дуй­ся, нас гре́ш­ных ве́­рою про­све­ща́ю­щая.

Ра́­дуй­ся, На­де́ж­до, в ско́р­би уте­ше́­ние и при­бе́­жи­ще на́­ше; ра́­дуй­ся, в пе­ча́­лех на́­ших лучеза́рная ве́стнице из­бав­ле́­ния.

Ра́­дуй­ся, Лю­бы́, не­зло́­бие и кро́тость в серд­ца́ на́­ша влива́ющая; ра́­дуй­ся, та́инственная звез­до́, от тесноты́ зем­ны́я го­ре́ ны вознося́щая.

Ра́­дуй­ся, Софи́е, му́д­рая и пречестна́я детоводи́тельнице; ра́­дуй­ся, богому́драго жи­тия́ мо­ля́­щим­ся ти устрои́тельнице.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 12

Бла­го­да́ть Бо́­жию прия́ти сподо́бившияся, моли́те о нас, свя­ты́я му́ченицы, Пре­чи́с­та­го Вла­ды́­ку Хри­ста́, да ми́лостив бу́дет к нам гре́ш­ным, с ве́­рою, на­де́ж­дою и лю­бо́­вию Ему́ Еди́­но­му, Го́с­по­ду и Спа́су на́­ше­му, смире́нно пою́­щим: Алли­лу́иа.

И́кос 12

По­е́м ва́ша кре́пкия по́д­ви­ги, ве́­рою, наде́ждею и лю­бо́­вию проникнове́нныя, по­чи­та́­ем стра­да́­ния ва́ша презе́льная, хва́­лим ди́в­ное терпе́ние ва́ше, убла­жа́­ем кон­чи́­ну, за Хри­ста́ ва́ми ра́­дост­но подъя́тую, ве­ли­ча́­ем необори́мое му́жество ва́ше, свя­ты́я му́ченицы Ве́ро, На­де́ж­до и Лю­бы́, и му́д­рая ма́­ти Софи́е, и про­слав­ля́ю­ще вас, взы­ва́­ем си́­це:

Ра́дуйтеся, а́ки три струи́ мо́лниины, от восто́к да́же до за́пад доброде́тельми свои́ми просия́вшия; ра́дуйтеся, фиа́ли ве́­ры, на­де́ж­ды и люб­ве́, животво́рным питие́м ду́­ши на́­ша напая́ющии.

Ра́дуйтеся, трие́ светоза́рнии путие́, ко пре­сто́­лу сла́­вы Госпо́дни нас веду́щии; ра́­дуй­ся, Софи́е, чад ра́­ди тво­и́х от ли́­ка свя­ты́х похвале́нная.

Ра́­дуй­ся, Ве́ро, цве́­те ве́­ры, па́­че сне́га беле́йший; ра́­дуй­ся, услаж­де́­ние стра́ждущих.

Ра́­дуй­ся, На­де́ж­до, угнете́нных сер­де́ц возноше́ние; ра́­дуй­ся, а́ки пото́к цельбоно́сный, жа́жду скор­бя́­щих душ утоля́ющая.

Ра́­дуй­ся, Лю­бы́, ве́н­че из ми́­ра, ра́дования и бла́­гос­ти соплете́нный; ра́­дуй­ся, у́м­ная зарни́це ве́чности.

Ра́­дуй­ся, Софи́е, же́зле си́­лы, кро́тце и му́д­ре ча́­да наказу́яй; ра́­дуй­ся, богове́дения пре­све́т­лая луче́, ду­ша́м на́­шим возсиява́ющая.

Ра́дуйтеся, Ве́ро, На­де́ж­до и Лю­бы́, ку́п­но с Софи́ею, ма́терию ва́шею прему́дрою.

Конда́к 13

О, свя­ты́я и достохва́льныя му́ченицы Ве́ро, На­де́ж­до и Лю­бы́, и му́д­рая ма́­ти Софи́е, ны́­не прие́мше ма́­лое сие́ мо­ле́­ние на́­ше, от вся́­ких ны бед, бо­ле́з­ней и скор­бе́й мо­ли́т­ва­ми ва́шими изба́вите, да сподо́бльшеся во Ца́рст­вии Небе́снем зре́­ти безсме́ртнаго Го́с­по­да Иису́­са, с ва́ми вку́­пе воспое́м Ему́: Алли­лу́иа.

Этот конда́к чи­та́­ет­ся три́жды, за­те́м 1-й и́кос «А́нгели на Не­бе­си́…» и 1-й конда́к «Избра́нным раба́м…».

 

Мо­ли́т­ва 1-я

О, свя­ты́я и достохва́льныя му́ченицы Ве́ро, На­де́ж­до и Лю­бы́, и до́блестных дще́рей му́д­рая ма́­ти Софи́е! К вам ны́­не со усе́рдною мо­ли́т­вою притека́ем. Что бо па́­че возмо́жет предста́тельствовати за ны пред Го́с­по­дем, а́ще не ве́­ра, наде́жда и лю­бы́, три сия́ доброде́тели пребыва́ющия, во и́хже о́б­раз нарече́нныя, са́мою ве́щию о́ныя яви́сте? Умоли́те у́бо Го́с­по­да, да в ско́р­бех и на­па́с­тех неизрече́нною бла­го­да́­тию Свое́ю покры́ет ны, и со­хра­ни́т, и Того́ сла́­ву, я́ко со́лн­це незаходи́мое, зре́­ти да спо­до́­бит. Споспешеству́йте нам во смире́нных моле́ниих на́­ших, да прости́т Гос­по́дь Бог гре­хи́ и без­за­ко́­ния на́­ша, и да по­ми́­лу­ет нас гре́ш­ных, и щед­ро́т Сво­и́х да спо­до́­бит нас Хрис­то́с Бог, Ему́­же сла́­ву возсыла́ем, со Без­на­ча́ль­ным Его́ От­це́м, и Пре­свя­ты́м и Бла­ги́м и Жи­во­тво­ря́­щим Его́ Ду́­хом, ны́­не и при́с­но и во ве́­ки ве­ко́в. Ами́нь.

Моли́тва 2-я

Ва́с, святы́я му́ченицы, Ве́ро, Наде́ждо и Любы́, сла́вим, велича́ем и ублажа́ем, ку́пно с му́дрою ма́терию Софи́ею, е́йже покланя́емся, я́ко о́браз богому́драго попече́ния явля́ющей. Умоли́, свята́я Ве́ро, Творца́ ви́димых и неви́димых, да ве́ру кре́пку, небла́зненну и неруши́му пода́ст на́м. Хода́тайствуй, свята́я Наде́ждо, пред Го́сподем Иису́сом за на́с гре́шных, да упова́ние на блага́я не отжене́т от на́с и от вся́кия ско́рби и ну́жды да изба́вит ны́. Испове́ждь, свята́я Любы́, Ду́ху и́стины, Уте́шителю, напа́сти и печа́ли на́ша, да То́й свы́ше сла́дость небе́сную ниспо́слет душа́м на́шим. Помози́те у́бо в беда́х на́ших, святы́я му́ченицы, и ку́пно с му́дрою ма́терию ва́шею Софи́ею, моли́те Царя́ царе́й и Го́спода госпо́дствующих, да сохрани́т под покро́вом Це́рковь Свою́ святу́ю. Со слеза́ми умиле́нно припа́дающе к ва́м, ва́шего те́плаго предста́телства пред Бо́гом усе́рдно мо́лим, да ку́пно с ва́ми и со все́ми святы́ми превознесе́м и препросла́вим пресвято́е и вели́кое и́мя Отца́ и Сы́на и Свята́го Ду́ха Бо́га, Предве́чнаго Влады́ки и благи́х Соде́теля, ны́не и при́сно и во ве́ки веко́в. Ами́нь.

 

 

Азбука, Храм Живоначальной Троицы

Просмотрено (28) раз

Оставить комментарий

Сохранен как Новости, Святыни и Святые

Добавить комментарий

Ваш e-mail не будет опубликован. Обязательные поля помечены *